ភ្នំពេញ: ធនាគារ ABA ដែលជាធនាគារ មួយក្នុងចំណោមធនាគារពាណិជ្ជដែលឈានមុខគេក្នុងប្រទេសកម្ពុជា បានដាក់សម្ពោធជាផ្លូវការនៅថ្ងៃនេះនូវគំរូឡូហ្គោថ្មីរបស់ខ្លួនដែលបញ្ជាក់ពីសមាជិកភាពក្នុងសម្ព័ន្ធពាណិជ្ជកម្មរបស់ធនាគារជាតិកាណាដា។អង្គពិធីបានប្រារព្ធឡើងនៅសាខាវិមានឯករាជ្យ ដោយមានការចូលរួមជាកិត្តិយសដោយលោក Askhat Azhikhanov នាយកប្រតិបត្តិរបស់ធនាគារ ABA និងលោក Louis Vachon នាយកប្រតិបត្តិរបស់ធនាគារជាតិកាណាដា។
ការផ្លាស់ប្តូរឡូហ្គោនេះ សបញ្ជាក់ឲ្យឃើញនូវជោគជ័យដ៏សម្បើមមួយទៀត របស់ធនាគារ ABA ក្នុងនាមជាដៃគូយុទ្ធសាស្ត្រជាមួយធនាគារជាតិកាណាដា ដែលបានក្លាយជាម្ចាស់ភាគទុនិកដ៏ធំបំផុតរបស់ធនាគារ ABA ក្នុងឆ្នាំ2016។
ដោយមានការគាំទ្រពីម្ចាស់ភាគហ៊ុនដែលមានរឹងមាំ ធនាគារ ABA មានឱកាសបន្ថែមក្នុងការក្តោបយកទីផ្សារ ដែលមានបរិយាកាសប្រកួតប្រជែងខ្ពស់ និងទទួលបានបទពិសោធន៍ដ៏ឆ្នើមពីធនាគារជាតិកាណាដាដែលមានគ្រឹះយ៉ាងស្តុកស្តម្ភក្នុងវិស័យធនាគារអស់រយៈកាលជាង 150 ឆ្នាំ។
លោក Askhat Azhikhanov នាយកប្រតិបត្តិរបស់ធនាគារ ABA បានមានប្រសាសន៍ថា៖ ឡូហ្គោថ្មីនេះនឹងបញ្ជាក់ពីជំហរដ៏រឹងមាំរបស់យើង ភាពច្នៃប្រឌិតខ្ពស់ កិតិ្តនាមល្បីល្បាញរបស់យើងក្នុងទីផ្សារ និងការបង្កើនទំនុកចិត្តខ្ពស់ដល់អតិថិជន។លើសពីនេះទៅទៀត ឡូហ្គោថ្មីនេះសបញ្ជាក់ឲ្យឃើញថា ធនាគារ ABA មានការគាំទ្រយ៉ាងរឹងមាំពីស្ថាប័នហិរញ្ញវត្ថុដ៏ធំមួយក្នុងចំណោមស្ថាប័នហិរញ្ញវត្ថុដ៏ធំជាងគេក្នុងទ្វីបអាមេរិចខាងជើង។
លោក Louis Vachon នាយកប្រតិបត្តិធនាគារជាតិកាណាដាបានមានប្រសាសន៍ថា៖ លោកពិតជាមានការរីករាយណាស់ដែលបានចូលរួមក្នុងការដាក់សម្ពោធ ឡូហ្គោធនាគារ ABAថ្មីដែលជានិមិត្តរូបនៃការបេ្តជ្ញាចិត្តរបស់ធនាគារជាតិកាណាដាក្នុងទីផ្សារប្រទេសកម្ពុជា។ ថ្ងៃនេះ ជាមួយការដាក់សម្ពោធឡូហ្គោថ្មី យើងមានមោទនៈភាពក្នុងការប្រកាសជាសាធារណៈថា ធនាគារ ABA គឺជាផ្នែកមួយដ៏សំខាន់នៃសម្ព័ន្ធពាណិជ្ជកម្មរបស់ធនាគារជាតិកាណាដា។ យើងជឿជាក់ថាជំនាញ បទពិសោធន៍ និងបណ្តាញអាជីវកម្មរបស់យើង នឹងចូលរួមក្នុងដំណើរជោគជ័យនេះបន្តទៅមុខទៀតជាក់ជាមិនខាន។
ជាមួយនឹងការផ្លាស់ប្តូរឡូហ្គោថ្មីនេះ ធនាគារ ABA នឹងបន្តអនុវត្តន៍នូវយុទ្ធសាស្ត្ររបស់ខ្លួន គឺស្របតាមពាក្យស្លោក “ដៃគូដែលលោកអ្នកទុកចិត្តបំផុត” និងបន្តការប្តេជ្ញាចិត្តរបស់ធនាគារជាតិកាណាដា ក្នុងការជួយគាំទ្រដល់សហគ្រិន និងអាជីវកម្ម ការផ្តល់សេវាកម្មប្រកបដោយស្តង់ដារខ្ពស់ និងបន្ត ផ្តល់ជូននូវដំណោះស្រាយហិរញ្ញវត្ថុបែបឌីជីថលដល់ប្រជាជនកម្ពុជាទាំងមូល។
ធនាគារ ABA ជាធនាគារពាណិជ្ជដែលឈានមុខគេក្នុងចំណោមធនាគារដទៃ បានបង្កើតឡើងក្នុងឆ្នាំ 1996 ដែលមានឈ្មោះថា Advanced Bank of Asia Limited។ យើងមានសាខា 42 ម៉ាស៊ីនដាក់ប្រាក់ 60ម៉ាស៊ីន និងម៉ាស៊ីនអេធីអឹម 167 នៅទូទាំងប្រទេស (គិតត្រឹមថ្ងៃទី 1 ខែមករា ឆ្នាំ 2017) យើងទទួលបានការគាំទ្រពីអតិថិជនជាច្រើនជាមួយនឹងសេវាហិរញ្ញវត្ថុដ៏ទំនើប និងដំណោះស្រាយហិរញ្ញវត្ថុបែបឌីជីថល។
នៅចុងឆ្នាំ 2016 ធនាគារ ABA មានទ្រព្យសកម្មសរុប 1.1 ពាន់លានដុល្លារ និងមូលធនភាគហ៊ុនិក សរុប 128 លានដុល្លារអាមេរិក។ ម្ចាស់ភាគទុនិកដ៏ធំបំផុតរបស់ធនាគារ ABA គឺ ធនាគារជាតិកាណាដា (www.nbc.ca) ដែលជាធនាគារធំជាងគេបំផុតទី6 ក្នុងប្រទេសកាណាដា ក្នុងទីក្រុងគេបិចដែលជាជម្រើសដៃគូក្នុងចំណោមសហគ្រាសខា្នតតូច និងមធ្យម (SMEs)៕
CEN
ដោយ: ក្រុមហ៊ុន
No comments:
Post a Comment