កំពង់ឆ្នាំង: គម្រោងអភិវឌ្ឍន៍ច្រាំងទន្លេ នៅផ្សារក្រោម របស់អាជ្ញាធរ ខេត្តកំពង់ឆ្នាំង បានឈានដល់ដំណាក់កាល ធ្វើបម្លាស់ទីអ្នក ដែលរស់នៅតាមច្រាំងទន្លេហើយ ។
លោក ស៊ុន សុវណ្ណារិទ្ធ អភិបាលរងខេត្ត បានអោយដឹងថា គម្រោងអភិវឌ្ឍន៍នេះ មាន៧ជំហ៊ាន និងត្រូវអនុវត្តន៍ រយៈពេល៥ឆ្នាំ ចាប់ពីឆ្នាំ២០១៥ ដល់ឆ្នាំ២០១៩ ។ បច្ចុប្បន្ននេះ អាជ្ញាធរកំពុងដំណើរកាធ្វើផ្លូវ ធ្វើផ្សារ ផែកាណូត ដរ ការរៀបចំប្រព័ន្ធភ្លើង និង ប្រព័ន្ធទឹកស្អាត និងបន្តជំហ៊ានទី៤ គឺការរៀបចំធ្វើបម្លាស់ទី ប្រជាពលរដ្ឋពីកន្លែងចាស់ ដែលរស់នៅតាមច្រាំងទន្លេ មកនៅកន្លែងអភិវឌ្ឍន៍ថ្មី។
លោក ស៊ុន សុវណ្ណារិទ្ធ បានអោយដឹងទៀតថា ប្រជាពលរដ្ឋ ដែលត្រូវរុះរើមកនៅ កន្លែងអភិវឌ្ឍន៍ថ្មីនេះ មានចំនួន២១០ខ្នងផ្ទះ ក្នុងនោះមាន ៥៣ខ្នងផ្ទះ បានស្ម័គ្រចិត្តយកថវិកា ហើយគាត់បានរុះរើ មកដល់នឹងពេលនេះ បានចំនួន២៧ខ្នងផ្ទះហើយនិងអ្នកដែលស្ម័គ្រចិត្ត យកដីមានចំនួន ១៤៧ ខ្នងផ្ទះ ។ ដោយឡែក នៅសល់១០ខ្នងផ្ទះទៀត គាត់មិនទាន់សម្រេចថា ត្រូវយកដី ឬយកលុយនៅឡើយទេ។ ពេលនេះ អាជ្ញាធរ កំពុងធ្វើការសម្របសម្រួល ដោះស្រាយ។
សូមបញ្ជាក់ថា កាលពីខែតុលា ឆ្នាំ២០១៥ ផ្ទះបណ្តែតទឹករាប់ពាន់ខ្នង របស់ជនជាតិវៀតណាម ខ្មែរឥស្លាម និង ខ្មែរមួយចំនួនផងនោះ ត្រូវបានអាជ្ញាធរ នៃខេត្តកំពង់ឆ្នាំង សម្រេចអោយចាកចេញ ទៅតាំងនៅកន្លែងផ្សេង ស្ថិតខាងជើងកន្លែងចាស់ ជាង២គីឡូម៉ែត្រ ក្នុងសង្កាត់ផ្សារឆ្នាំង ក្រុងកំពង់ឆ្នាំង ដើម្បីធ្វើការអភិវឌ្ឍន៍ ច្រាំងទន្លេផ្សារក្រោម និងរៀបចំផ្ទះបណ្តែតទឹកទាំងនោះ អោយមានរបៀបរាបរយល្អ ។ គម្រោងអភិវឌ្ឍន៍នេះ មានប្រវែង ២.៧១១ម៉ែត្រ ចាប់ពីមុខវត្តទេពធីតារ៉ាម រហូតដល់ស្ថានីយទឹកស្អាតចុងកោះ ក្នុងសង្កាត់ផ្សារឆ្នាំង ក្រុងកំពង់ឆ្នាំង ៕
CEN
ដោយ: ចៅ សន
No comments:
Post a Comment