ភ្នំពេញ: លោកជុំ សុន្ទរី អ្នកនាំពាក្យ ក្រសួងការបរទេស និងសហប្រតិបត្តិការ អន្តរជាតិ បានឲ្យដឹងថា ស្ថានឯកអគ្គរាជទូតកម្ពុជា ប្រចាំប្រទេសថៃ និងស្ថានអគ្គកុងស៊ុលកម្ពុជា ប្រចាំខេត្តសាកែវ បានសម្របសម្រួល ការធ្វើមាតុភូមិនិវត្តន៍ របស់ពលករខ្មែរ ចំនួន៤នាក់ (មកពីខេត្តកំពត កំពង់ចាម កំពង់ស្ពឺ និងស្វាយរៀង) ដែលរងគ្រោះ ដោយការជួញដូរ កម្លាំងពលកម្ម នៅលើទូកនេសាទ ហើយដែលត្រូវបាន អាជ្ញាធរថៃ ជួយសង្គ្រោះ និងបញ្ជូន ទៅស្នាក់នៅបណ្តោះអាសន្ននៅ “មជ្ឈមណ្ឌលគាំពារសុខុមាលភាព” ខេត្តរ៉ាក់ណង (Ranong) ប្រទេសថៃ។
លោកបានបញ្ជាក់ថា ពលករទាំង ៤ នាក់ បានមកដល់កម្ពុជា តាមច្រកព្រំដែន អន្តរជាតិប៉ោយប៉ែត នៅថ្ងៃទី២៤ ខែមករា ឆ្នាំ ២០១៧ ។
សូមបញ្ជាក់ថា ពលករទាំង៤នាក់នេះ ស្ថិតក្នុងចំណោមពលករ ១៥នាក់ ដែលរងគ្រោះ ដោយការជួញដូរ កម្លាំងពលកម្ម នៅលើទូកនេសាទថៃ ដោយក្នុងនោះ ពលករចំនួន៨នាក់ បានមកដល់ព្រលានយន្តហោះ អន្តរជាតិភ្នំពេញហើយ កាលពីថ្ងៃទី១៨ ខែតុលា ឆ្នាំ២០១៦។ ចំណែកពលករ ៣ នាក់ទៀត កំពុងបន្តស្នាក់នៅ ក្នុងប្រទេសថៃនៅឡើយ។
ពលករទាំង១៥នាក់ មានអាយុចន្លោះពី១៩ឆ្នាំ ដល់៦២ឆ្នាំ មកពីខេត្តកំពង់ស្ពឺ (៥នាក់) កំពង់ធំ (៤នាក់) ស្វាយរៀង(៣នាក់) កំពត(២នាក់) និងកំពង់ចាម(១នាក់) ត្រូវបានជ្រើសរើស និងបញ្ជូនទៅ ប្រទេសថៃ ដោយក្រុមហ៊ុន Century (Cambodia) Manpower Co.,Ltd. ដើម្បីបំរើការងារ អោយក្រុមហ៊ុន ទូកនេសាទថៃ ឈ្មោះ ណាវ៉ាមង្គលឆៃ នៅអំឡុងខែវិច្ឆិកា ឆ្នាំ២០១៤ ដោយប្រើទិដ្ឋាការទេសចរណ៍ ដែលខុសនឹងបែបបទ ក្នុងការបញ្ជូនពលករ។
ពលករទាំងនោះ ស្ម័គ្រចិត្តធ្វើការជា អ្នកកាត់ក្បាលត្រី នៅច្រាំង ប៉ុន្តែនៅអំឡុងខែធ្នូ ឆ្នាំ២០១៤ ពួកគេត្រូវបានបញ្ឆោត អោយធ្វើការលើទូកនេសាទ ណាវ៉ាមង្គលឆៃ១ និងណាវ៉ាមង្គលឆៃ៨ ទៅនេសាទរហូតដល់ ឈូងសមុទ្រឥណ្ឌា។ នៅខែធ្នូ ឆ្នាំ២០១៥ អាជ្ញាធរថៃ ទទួលបាន សេចក្តីរាយការណ៍ថា មានការវាយដំ បង្ខំពលករអោយធ្វើការ លើទូកទាំងពីរនោះ ទើបបញ្ជាអោយ ទូកនេសាទទាំងពីរ ចូលច្រាំង ហើយបានសង្គ្រោះ ពលករខ្មែរទាំង ១៥នាក់ នៅថ្ងៃទី២១ ខែមករា ឆ្នាំ២០១៦។
ពលករខ្មែរទាំងនោះ ត្រូវបានអាជ្ញាធរថៃ តម្រូវអោយស្នាក់នៅ ក្នុងមជ្ឈមណ្ឌលគាំពារសុខភាព ខេត្តរ៉ាក់ណង មួយរយៈ ដើម្បីធ្វើជាសាក្សី។ កាលពីថ្ងៃទី១៨ ខែកុម្ភៈ ឆ្នាំ២០១៦ ស្ថានទូតកម្ពុជា បានជួយអន្តរាគមន៍ សុំការអនុញ្ញាតអោយ សាច់ញាតិពលករចំនួន៥នាក់ ធ្វើដំណើរជួបសួរសុខទុក្ខ នៅមជ្ឈមណ្ឌលខេត្តរ៉ាក់ណង ។
នៅថ្ងៃទី៩ ខែមីនា ខែឆ្នាំ២០១៦ មន្ត្រីស្ថានទូត បានជួបសួរសុខទុក្ខ ពលកររងគ្រោះទាំង១៥នាក់ និងស្នើអោយអាជ្ញាធរ ជម្រុញដំណើរការក្តី នៅតុលាការ និងបញ្ជូនពលកររងគ្រោះ មកកម្ពុជាវិញ អោយបានឆាប់ ព្រមទាំងទាមទារអោយ ក្រុមហ៊ុនផ្តល់សំណងសមរម្យ ដល់ពលករផងដែរ។
តុលាការបានកោះហៅសាក្សីជាពលករខ្មែរទាំង១៥នាក់ នៅថ្ងៃទី២៤ ខែមីនា ឆ្នាំ២០១៦ ដើម្បីចោទប្រកាន់ក្រុមហ៊ុនណាវ៉ាមង្គលឆៃ ពីបទជួញដូរកម្លាំងពលកម្មមនុស្ស។ ពលករទាំងអស់ បានទាមទារ អោយក្រុមហ៊ុនទូកនេសាទ ផ្តល់សំណងជាង ២សែនបាត ក្នុងម្នាក់ៗ ដោយគណនាតម្លៃ កម្លាំងពលកម្ម ២០ ម៉ោង ក្នុង១ថ្ងៃ សម្រាប់រយៈពេល ១៣ ខែ ប៉ុន្តែក្រុមហ៊ុននេសាទ មិនឯកភាពនឹងទំហំសំណងនេះទេ ហើយសុខចិត្តតស៊ូក្តីនៅតុលាការ។
ចុងក្រោយ ក្រុមហ៊ុនទូកនេសាទ បានយល់ព្រមទូទាត់ នូវទឹកប្រាក់ចំនួន ២៥.០០០ បាត សម្រាប់ពលករខ្មែររងគ្រោះ ម្នាក់ៗប៉ុណ្ណោះ ៕
CEN
ដោយ: មុនីរាជ
លោកបានបញ្ជាក់ថា ពលករទាំង ៤ នាក់ បានមកដល់កម្ពុជា តាមច្រកព្រំដែន អន្តរជាតិប៉ោយប៉ែត នៅថ្ងៃទី២៤ ខែមករា ឆ្នាំ ២០១៧ ។
សូមបញ្ជាក់ថា ពលករទាំង៤នាក់នេះ ស្ថិតក្នុងចំណោមពលករ ១៥នាក់ ដែលរងគ្រោះ ដោយការជួញដូរ កម្លាំងពលកម្ម នៅលើទូកនេសាទថៃ ដោយក្នុងនោះ ពលករចំនួន៨នាក់ បានមកដល់ព្រលានយន្តហោះ អន្តរជាតិភ្នំពេញហើយ កាលពីថ្ងៃទី១៨ ខែតុលា ឆ្នាំ២០១៦។ ចំណែកពលករ ៣ នាក់ទៀត កំពុងបន្តស្នាក់នៅ ក្នុងប្រទេសថៃនៅឡើយ។
ពលករទាំង១៥នាក់ មានអាយុចន្លោះពី១៩ឆ្នាំ ដល់៦២ឆ្នាំ មកពីខេត្តកំពង់ស្ពឺ (៥នាក់) កំពង់ធំ (៤នាក់) ស្វាយរៀង(៣នាក់) កំពត(២នាក់) និងកំពង់ចាម(១នាក់) ត្រូវបានជ្រើសរើស និងបញ្ជូនទៅ ប្រទេសថៃ ដោយក្រុមហ៊ុន Century (Cambodia) Manpower Co.,Ltd. ដើម្បីបំរើការងារ អោយក្រុមហ៊ុន ទូកនេសាទថៃ ឈ្មោះ ណាវ៉ាមង្គលឆៃ នៅអំឡុងខែវិច្ឆិកា ឆ្នាំ២០១៤ ដោយប្រើទិដ្ឋាការទេសចរណ៍ ដែលខុសនឹងបែបបទ ក្នុងការបញ្ជូនពលករ។
ពលករទាំងនោះ ស្ម័គ្រចិត្តធ្វើការជា អ្នកកាត់ក្បាលត្រី នៅច្រាំង ប៉ុន្តែនៅអំឡុងខែធ្នូ ឆ្នាំ២០១៤ ពួកគេត្រូវបានបញ្ឆោត អោយធ្វើការលើទូកនេសាទ ណាវ៉ាមង្គលឆៃ១ និងណាវ៉ាមង្គលឆៃ៨ ទៅនេសាទរហូតដល់ ឈូងសមុទ្រឥណ្ឌា។ នៅខែធ្នូ ឆ្នាំ២០១៥ អាជ្ញាធរថៃ ទទួលបាន សេចក្តីរាយការណ៍ថា មានការវាយដំ បង្ខំពលករអោយធ្វើការ លើទូកទាំងពីរនោះ ទើបបញ្ជាអោយ ទូកនេសាទទាំងពីរ ចូលច្រាំង ហើយបានសង្គ្រោះ ពលករខ្មែរទាំង ១៥នាក់ នៅថ្ងៃទី២១ ខែមករា ឆ្នាំ២០១៦។
ពលករខ្មែរទាំងនោះ ត្រូវបានអាជ្ញាធរថៃ តម្រូវអោយស្នាក់នៅ ក្នុងមជ្ឈមណ្ឌលគាំពារសុខភាព ខេត្តរ៉ាក់ណង មួយរយៈ ដើម្បីធ្វើជាសាក្សី។ កាលពីថ្ងៃទី១៨ ខែកុម្ភៈ ឆ្នាំ២០១៦ ស្ថានទូតកម្ពុជា បានជួយអន្តរាគមន៍ សុំការអនុញ្ញាតអោយ សាច់ញាតិពលករចំនួន៥នាក់ ធ្វើដំណើរជួបសួរសុខទុក្ខ នៅមជ្ឈមណ្ឌលខេត្តរ៉ាក់ណង ។
នៅថ្ងៃទី៩ ខែមីនា ខែឆ្នាំ២០១៦ មន្ត្រីស្ថានទូត បានជួបសួរសុខទុក្ខ ពលកររងគ្រោះទាំង១៥នាក់ និងស្នើអោយអាជ្ញាធរ ជម្រុញដំណើរការក្តី នៅតុលាការ និងបញ្ជូនពលកររងគ្រោះ មកកម្ពុជាវិញ អោយបានឆាប់ ព្រមទាំងទាមទារអោយ ក្រុមហ៊ុនផ្តល់សំណងសមរម្យ ដល់ពលករផងដែរ។
តុលាការបានកោះហៅសាក្សីជាពលករខ្មែរទាំង១៥នាក់ នៅថ្ងៃទី២៤ ខែមីនា ឆ្នាំ២០១៦ ដើម្បីចោទប្រកាន់ក្រុមហ៊ុនណាវ៉ាមង្គលឆៃ ពីបទជួញដូរកម្លាំងពលកម្មមនុស្ស។ ពលករទាំងអស់ បានទាមទារ អោយក្រុមហ៊ុនទូកនេសាទ ផ្តល់សំណងជាង ២សែនបាត ក្នុងម្នាក់ៗ ដោយគណនាតម្លៃ កម្លាំងពលកម្ម ២០ ម៉ោង ក្នុង១ថ្ងៃ សម្រាប់រយៈពេល ១៣ ខែ ប៉ុន្តែក្រុមហ៊ុននេសាទ មិនឯកភាពនឹងទំហំសំណងនេះទេ ហើយសុខចិត្តតស៊ូក្តីនៅតុលាការ។
ចុងក្រោយ ក្រុមហ៊ុនទូកនេសាទ បានយល់ព្រមទូទាត់ នូវទឹកប្រាក់ចំនួន ២៥.០០០ បាត សម្រាប់ពលករខ្មែររងគ្រោះ ម្នាក់ៗប៉ុណ្ណោះ ៕
CEN
ដោយ: មុនីរាជ
No comments:
Post a Comment