ភ្នំពេញ: រឿងប្រលោមលោក ដែលធ្លាប់បានជាប់លេខមួយស្ទួន និងទទួលបានពានរង្វាន់ព្រះសីហនុរាជ ក្នុងឆ្នាំ ១៩៩៥រឿង «បំភ្លេចមិនបាន» ជាស្នាដៃនិពន្ធរបស់អ្នកស្រី ប៉ាល់ វណ្ណារីរក្ស ព្រមទាំងធ្លាប់មានការចែកចាយទាំងក្នុងនិងក្រៅប្រទេស រហូតមាននិស្សិតខ្មែរ និងនិស្សិតថៃបានយករឿងនេះទៅធ្វើសារណាផងដែរ។
បច្ចុប្បន្នរឿងនេះត្រូវបានស្ថានីយ៍ទូរទស្សន៍ភីអិនអិន ជ្រើសរើសមកផលិតជារឿងភាគខ្មែរ ដោយប្រគល់សិទ្ធទៅអោយផលិតកម្ម មហាហង្សជាអ្នកផលិត។
រឿង «បំភ្លេចមិនបាន» ត្រូវបានគ្រងដំណែងតួឯកស្រីដោយតារាទឹកភ្នែក នី មុន្នីនាថ ចាប់ដៃគូជាមួយលោក អូន ឧស្សាហ៍ រួមនិងសិល្បៈករ សិល្បៈការនីជាច្រើនរូបទៀត។
រឿងនេះ នឹងបង្ហាញពីការបែកបាក់គ្រួសារដោយសារសង្គ្រាម និងបង្ហាញពីខ្សែជីវិតរបស់ក្មេងស្រីកំព្រាម្នាក់ ដែលមានការតស៊ូព្យាយាមអំណត់អត់ធន់ និងមានប្រាជ្ញាឈ្លាសវៃ ពុះពារគ្រប់ឧបសគ្គ រហូតទទួលបានជោគជ័យក្នុងជីវិត។
ខ្សែភាពយន្តភាគខ្មែរ «បំភ្លេចមិនបាន» នឹងចាប់ផ្តើមចាក់ផ្សាយនៅលើកញ្ចក់ទូរទស្សន៍ភីអិនអិន នៅថ្ងៃទី០៤ ខែកុម្ភៈ រៀងរាល់ថ្ងៃព្រហស្បត្តិ៍ ដល់ថ្ងៃសៅរ៍ វេលាម៉ោង ៨:០០-៩:០០យប់បន្ទាប់ពីរឿង «កែវភ្នែក» ។
ស្ថានីយទូរទស្សន៍ភីអិនអិន គឺជាស្ថានីយ៍ទូរទស្សន៍ដំបូងគេដែលបានជីកគាស់កកាយនាំយក នូវស្នាដៃអក្សរសិល្ប៍ ប្រលោមលោក និងរឿងព្រេងខ្មែរ ដូចជារឿងបំភ្លេចមិនបាន រឿងសូផាត រឿងពស់កេងកងជាដើម មកផលិតជាភាពយន្តភាគចាក់ផ្សាយ លើ កញ្ចក់ទូរទស្សន៍ ហើយភីអិនអិនក៏បានចំណាយដើមទុនយ៉ាងសន្ធឹកសន្ធាប់ក្នុងការពង្រឹងគុណភាព និងខិតខំផលិតរឿងភាគខ្មែរជាច្រើន ក្នុងបំណងលើកស្ទួយ និងអភិរក្ស រួមទាំងស្នាដៃផលិតថ្មីដោយកូនខ្មែរ។
ដូច្នេះសូមចូលរួមលើកស្ទួយរឿងភាគខ្មែរជាមួយស្ថានីយទូរទស្សន៍ភីអិនអិនទាំងអស់គ្នា៕
CEN
ដោយ: ក្រុមហ៊ុន
No comments:
Post a Comment