សៀមរាប ៖ ប្រជាពលរដ្ឋ ដែលតែងតែនាំគ្នាទៅគោរពបូជានៅរូបសំណាកលោកយាយទេព ដែលស្ថិតនៅជិតព្រះអង្គចេកព្រះអង្គចមនៅព្រឹកម្សិលមិញនេះ បានស្នើឲ្យអាជ្ញាធរខេត្តសៀមរាបពង្រឹងការការពាររូបសំណាក ឬវត្ថុបុរាណ ដែលមាននៅក្នុងខេត្តឲ្យបានល្អប្រសើរ ព្រោះវត្ថុ និងរូបសំណាកបុរាណទាំងនេះមានតម្លៃណាស់សម្រាប់វប្បធម៌ទំនៀមទម្លាប់ប្រពៃណីសម្រាប់ប្រទេសជាតិ។ ការស្នើសុំបែបនេះបានធ្វើឡើង បន្ទាប់ពីមានជនខិលខូចបានយកខ្សែក្រវាត់ទៅវាយរូបសំណាកលោកយាយទេពបែក.ក និងក្ដោងច្រមុះកាលពីវេលាម៉ោង១១និង៣០យប់នាទីថ្ងៃទី២៣ខែមករា។
ក្រុមប្រជាពលរដ្ឋបានលើកឡើងថា រូបសំណាកលោកយាយទេពនេះប្រជាពលរដ្ឋខ្មែរមកពីគ្រប់ទិសទីរួមជាមួយនឹងភ្ញៀវទេសចរអន្តរជាតិ ដែលបានទស្សនាខេត្តសៀមរាប ក៏តែងតែបានមកគោរពបូជា ដើម្បីសុំសេចក្តីសុខនៅទីនេះផងដែរ ដូច្នេះអាជ្ញាធរគួរត្រូវការពារឲ្យបានល្អ មិនត្រូវឲ្យជនខិលខូចមកវាយដំតាមតែអំពើចិត្តបែបនេះនោះទេ។
លោកតា ស៊ីម សាន ជាអ្នកមើលថែរូបសំណាក លោកយាយទេពបានឲ្យដឹងថា ករណីជនខិលខូចមកវាយដំលើរូបសំណាកលោកយាយទេពនេះ បានកើតឡើងនៅវេលាម៉ោង១១និង៣០យប់នាទីថ្ងៃទី២៣ ខែមករា ដោយជនសង្ស័យបានជិះកង់មកដល់យកខ្សែក្រវាត់មកវាយធ្វើឲ្យបែកក្តោងច្រមុះ ហើយរឿងនេះលោកបានរាយការណ៍ទៅសមត្ថកិច្ចអស់ហើយ។
ពាក់ព័ន្ធករណីនេះលោក គឹម ឆៃហៀង អភិបាលរងខេត្តសៀមរាបបានឲ្យដឹងថា អាជ្ញាធរខេត្តបានបញ្ជាឲ្យសមត្ថកិច្ចពាក់ព័ន្ធទាំងអស់ពង្រឹងបន្ថែមនូវការការពាររូបសំណាក និងវត្ថុបុរាណទាំងអស់នៅក្នុងខេត្តឲ្យកាន់តែមានប្រសិទ្ធភាពខ្ពស់។
លោកបញ្ជាក់ថា ចំពោះករណីជនខិលខូចវាយដំរូបសំណាកលោកយាយទេពនេះ លោកអភិបាលខេត្តបានបញ្ជាឲ្យសមត្ថកិច្ចពាក់ព័ន្ធទាំងអស់ស្រាវជ្រាវចាប់ជនដៃដល់មកធ្វើផ្តន្ទាទោសតាមច្បាប់ហើយ។
រឿងរ៉ាវលោក យាយទេព គឺវែងឆ្ងាយណាស់ ពោលគឺមានអ្នកប៉ង យករូបសំណាក សង្ស័យនាំចេញទៅលក់នៅក្រៅប្រទេស តែត្រូវអាជ្ញាធរការពារទាន់៕
កម្ពុជាថ្មិ
កុសល
No comments:
Post a Comment