ភ្នំពេញ: អាជ្ញាធរមានសមត្ថកិច្ចបានសម្រេចដករូបសំណាកព្រះគ្រូ ថាម កុងតាក់ ចេញពីបរិវេណ ព្រះវិហារកៅដាយគីមបៀន ជាផ្លូវការហើយ កាលពីព្រឹកថ្ងៃទី២៦ ខែមករា ឆ្នាំ២០១៧។ ដោយការសម្រេចដករូបសំណាកនេះ គឺមានការប្រជុំគណៈកម្មការចម្រុះមួយ ក្រោមការដឹកនាំបញ្ជាផ្ទាល់ពីលោក មាន ចាន់យ៉ាដា អភិបាលរងរាជធានីភ្នំពេញ និងមន្ត្រីអាជ្ញាធរពាក់ព័ន្ធ រួមទាំងប្រធាននាយកដ្ឋានពាហិរះសាសនា ប្រធានមន្ទីសាសនានិងសាសនារាជធានីភ្នំពេញ។
មន្ត្រីជាន់ខ្ពស់ប៉ូលិសបានបញ្ជាក់ថា ការយករូបសំណាកនេះចេញ គឺកើតចេញពីទំនាស់សាសនា ហើយសាសនាកៅដាយ មិនគោរពរូបសំណាកទេ ហើយរូបសំណាកដែលដក គឺរូបសំណាកបុគ្គលម្នាក់ដែលកាន់សាសនាកៅដាវដែលបានស្លាប់នៅក្នុងព្រះវិហារកៅដាយ និងមានបរទេសលូកដៃក្នុងរឿងនេះ គឺចង់ដាក់រូបនេះនៅក្នុងព្រះវិហារ។ ហើយខាងសាសនាកៅដាយនៅតៃនិញ គឺគេមិនអនុញ្ញាតឲ្យយករូបសំណាកនោះដាក់នៅក្នុងព្រះវិហារកៅដាយទេ ដោយពីមុនមកព្រះវិហារកៅដាយ មិនមានរូបសំណាកនឹងទេ។ ហើយរូបសំណាកនេះ ត្រូវបានដឹកតាមរថយន្តយកទៅរក្សាទុកនៅខេត្តតៃនិញ។
លោកមាន ចាន់យ៉ាដា អភិបាលរងរាជធានីភ្នំពេញ បានលើកឡើងនៅក្នុងអង្គប្រជុំកាលពីថ្ងៃទី២០ ខែមករា ថា ជាជំហររបស់រដ្ឋបាលរាជធានីភ្នំពេញ គឺនៅតែឯកភាពឲ្យយករូបសំណាកចេញពីព្រះវិហារកាវដាយ ប៉ុន្តែស្នើឲ្យគណៈកម្មការគ្រប់គ្រងព្រះវិហារដែលដឹកនាំដោយលោក វ័រ ហ្វាងមិញ ជាអ្នកអនុវត្តយករូបសំណាកចេញ និងដោះស្រាយមធ្យោមបាយដឹកជញ្ជូនររូបសំណាកកពីភ្នំពេញទៅព្រំដែនកម្ពុជា វៀតណាម ដើម្បីឲ្យខាងសាសនាកាវដាយ នៅខេត្តតៃនិញ មកទទួល ហើយកម្លាំងអាជ្ញាធររួមមានកម្លាំងស្នងការនគរបាល កម្លាំងអាវុធហត្ថរាជធានី ភ្នំពេញ និងអាជ្ញាធរខណ្ឌចំការមន មានភារកិច្ចឃ្លាំមើល ការពារពិខាងក្រៅ ដើម្បីជួយអន្តរាគមន៍ចៀសវាងមានអំពើហិង្សាកើតឡើងនៅបេលនោះ។
ចំណែកផន ដាវី ប្រធានមន្ទីរធម្មការ និងសាសនារាជធានីភ្នំពេញ បានលើកឡើងថា យើងបានប្រជុំជាច្រើនដងរួចមកហើយ គឺផ្នែកពាក់ព័ន្ធទាំងអស់គោរពតាមគោលលទ្ធិសាសនាកាវដាយ។ ក្រសួងធម្មការ និងសាសនា និងមន្ទីរធម្មការនិងសាសនា នៅតែឯកភាពយករូបសំណាកចេញពីវិហារកាវដាយដដែល ប៉ុន្តែរូបភាពនៃការធ្វើគឺសូមឲ្យខាងប្រធានគណៈកម្មការវិហារកាវដាយសហការជាមួយសមាគមវៀតណាមប្រចាំព្រះរាជាណាចក្រកម្ពុជា ដោយដោះស្រាយរថយន្ត និងរកម្លាំងលើករូបសំណាកឲ្យបានឆាប់រហ័ស ដើម្បីលើរថយន្តយកទៅរក្សាទុកនៅខេត្តតៃនិញ និងសូមឲ្យកម្លាំងចម្រុះពាក់ពន្ធការពារខាងក្រៅ៕
CEN
ដោយ: ឧត្តម
No comments:
Post a Comment