ភ្នំពេញ ៖ បន្ទាប់ពីមានការចុះផ្សាយនៅលើបណ្ដា សារព័ត៌មានក្នុងស្រុកមួយចំនួន ដោយបានស្រង់សម្ដីតារាប្រុសលោក ចន អេឡិចហ្សូរ៉ា ចំពោះការបញ្ចេញមតិលើការបញ្ឈប់ការចាក់ផ្សាយកម្មវិធីABCពីស្ថានីយទូរទស្សន៍ប៉ុស្តិ៍លេខ៣ ដោយបានដាក់ចំណងជើងថា ការបញ្ចេញទស្សនៈរបស់លោកបើសិនCKបានឃើញអាចរំភើបរហូតដល់ស្រក់ទឹកភ្នែកនោះ ភ្លាមៗនេះដែរសាមីខ្លួនបានចេញមុខបញ្ជាក់ថា លោកមិនបានគាំទ្រនូវកំហុសដែល CK បានប្រព្រឹត្តិនោះទេ។
ជាប្រតិកម្មឆ្លើយតបតារាសម្តែងលោក ចន អេឡិចហ្សូរ៉ា បានបញ្ជាក់ថា ខ្ញុំមិនបានគាំទ្រនូវកំហុសរបស់CKនោះទេ ហើយកុំដោយសារតែបុគ្គលម្នាក់ធ្វើឲ្យមានបញ្ហាដល់ស្ថាប័ន។ គ្រាន់តែស្តាយនូវអ្វីដែលធ្លាប់បានធ្វើហើយ បែរជាបង្កើតនូវកំហុសឆ្គង ដោយពុំបានទទួលស្គាល់ និង សុំអធ្យាស្រ័យពីមហាជនរហូតឈានដល់ការបិទកម្មវិធីABC ដែលបានផ្សាយក្នុងស្ថានីយ។
សុំអធ្យាស្រ័យបងប្អូនបើមានការលើសលស់ឬផ្ទុយពីគំនិតបងប្អូនសូមអគុណសម្រាប់ការ comment ណែនាំនិង កែតម្រូវក្នុងលក្ខខណ្ឌខុសឆ្គងរបស់ខ្ញុំបាទ។
សូមជម្រាបដែរថា មុនពេលប្រតិកម្មឆ្លើយតបនេះ តារាប្រុសរូបសង្ហាលោក ចន អេឡិចហ្សូរ៉ា បានបញ្ចេញទស្សនៈរបស់ខ្លួនថាត្រូវចាំថាបើធ្វើល្អត្រូវធ្វើរហូតដល់ស្លាប់តែម្តងទៅ ហើយកុំឲ្យគេចាប់កំហុស ឬ ធ្វើអ្នក ជាអ្នកអីព្រោះថា បើទោះបីជាអ្នកធ្វើល្អយ៉ាងណាក៏ដោយបើមានកំហុសតែម្តងគឺអ្នកជាមនុស្សអាក្រក់ និងត្រូវគេជាន់ពន្លិចជាមិនខាន នេះហើយសម័យFacebookសម័យរិះគន់ព្រោះគ្រប់គ្នាជារាជអាជ្ញា និងតុលាការកាត់ទោស ដោយពាក្យសំដីcomment and share ហៃអើតាមគ្នា។
តារាប្រុសលោក ចន អេឡិចហ្សូរ៉ា បានលើកឡើងទៀតថា ABCចង់ប្រាប់ថា ទង្វើដ៏ល្អរបស់អ្នក ជួយក្មេងអនាថា អ្នកញៀនថ្នាំជនរងគ្រោះ ដោយសារការចាប់រំលោភស្ត្រីរកផ្លូវភេទជាដើម។ទាំងនេះនៅតែក្នុងការចងចាំរបស់មនុស្សគ្រប់គ្នា ដែលបានជួបនិងទទួលការស្រឡាញ់អំពីអ្នកព្រមទាំងខ្ញុំម្នាក់ដែរ ដែលស្ងើចសរសើរនូវទង្វើ ដែលអ្នកបានធ្វើទាំងតែអ្នកហៃអើទាំងនោះគ្មានធ្វើអ្វីសោះក្នុងពេលនោះ៕
កម្ពុជាថ្មី
ចាន់ ដារ៉ា
No comments:
Post a Comment